Сургалтандаа ашиглаарай

       Өглөө

Өглөөг зарласан 

Өчнөөн аялгуун дундаас

Өнгө ялгарах дуун

Зүүн зүгт гарлаа

Тэртээ дорноос

Тэнхээт илчит тэрэг

Алтан нарыг ачаад

Айсуй яваа харагдлаа

                                               Н Одонхүү

                                                Гутлаа тосолсон нь 

   Хүрэн гутлаан

   Хүрлээ тосоллоо

   Харваас муухай

   Халтар боллоо

   Яагаад халтардсаныг

   Яаран харвал

   Хар тос

   Хажууд нь байлаа

                                                         Н Одонхүү

                         Тогтох 

Тогтох уу 

Тогтоно

Тойрогт  торойно

Биеийн тамирт

Биднээс илүү

Бэрх дасгалд

Бүхнээс давуу 

Хичээлд л харин

Хийтэй дээ

Хэлгүй юм шиг

Гаатай даа

Самбарын өмнө

Санаа алдамхай

Хэл бичигт

Хичээчихвэл

Тооны хичээлд

Тогтчихвол

Тогтох уу

Тогтоноо

Тогтоно

                                       Ж  Жаргалсайхан
...

                                                Шидэт эмээ

 Дунд голын гүүрэн дээр

 Дурандаж суудаг эмээ бий

 Дуулгаваргүйчүүдийн гэрт

 Дуртай гэгч  хүрээд ирнэ

 Заваан айл хаана байна

 Залхуу хүү хэн байна

 Замаар яваа хүмүүсээс

 Заавал асууж сураглана

 Хэрвээ тэгээд мэдэх юм бол

 Хэрэг болгоод ирэх юм бол

 Хэн ч харсан гайхмаар

 Хэнээт явдал өрнөнө

 Аяга тавгууд  угаагуурт орж 

 Алчуур  бүгдийг өнгөлж тавина

 Сандал ширээ цэгцтэй болж

 Саваа мод хивсийн гөвнө

 Ор дэвсгэр цэмцгэр болж

 Оёдлын  машин байрандаа очно 

 Хэрэг явдал ингэдэг ...

      Дандар баатар над шиг 

 Дандар баатар

 Над шиг байхдаа

 Дажгүй хүү

 Байсан гэнэ лээ

 Далан настай  

 Миний эмээтэй

 Давгүй хөөрхөн

 Найзалсан гэнэ лээ

 Хурганы бэлчээрт

 Хамт явахдаа

 Хуруугийн нь хүртэл

 Гэмтээхээс айдаг

 Үеийн нөхөдөө

 Шоглочихдог мөртлөө

 Үс гэзэгнээс нь

 Чангаагаагүй гэдэг

 Хожим тэгээд

 Холын холд

 Явсан гэсэн

 Дайн тулаанд

 Дархан баатар

 Болсон гэсэн

 Дандар баатар

 Над шиг байхдаа

 Дажгүй хүү

 Байсан гэнэ лээ

 Даанч харин  

 Далан настай

 Миний эмээг

 Тоогоогүйн нь л

 Тоо...

                                                                       Хамаг бүхэн сэрүүн байхад 

 Хөршийн цонх гэрэлтэй байхад

 Хөгжим  дээр  хангинаж байхад 

 Хөлчүү эр орилж явахад

 Хөөе чи унтаарай гэх юм

 Ээж аяга угааж зогсоход

 Эгч ном уншиж суухад

 Эмээ эрхээ эргүүлж хэвтэхэд

 Эрт унтаарай хүү минь гэх юм

 Хамаг бүхэн сэрүүн байхад

 Харин намайг л  унтуулах  гэх юм

 Дайснаа дарсан баатар болох гэдэг юм

 Дандаа л эрт унт гэх юм

 Өглөө намайг сэрээх гэдэг

 Үнээ саахаас ч хэцүү гэх юм

 Үүрэглэсэн намайг сэрээх гэдэг

 Үүрч явахаас ч хүнд гэлц...

                                             Халуун бороо 

Хаврын бороог 

Халуун гэнэ

Үндэстэй бүхнийг

Үржүүлдэг гэнэ 

Хаврын бороо

Халуун юм гэж үү

Ээх нар шиг

Илчтэй юм гэж үү

Оньсого адил

Бодол сорьсон

Томчуудын яриа

Тун сонин шүү
                                                                    Н Одонхүү

...

                                                        Бодол 

  Нарантай би 

  Уралдан уралдан

  Найзаасаа би

  Түрүүлнэ түрүүлнэ

  Наран минь

  Гоморхоно гоморхоно

  Надад ч бас гомдоно

  Тэгэхээр би

  Хүлээнэ хүлээнэ

  Тэмцээнд хоёулаа

  Түрүүлнэ ,баярлана

                                        Болжмор 

   Үүрийн гэгээнээр

   Шулганаж босдог

   Өдөржин хажуугаар

   Бондгонож өнждөг 

   Өөдөсхөн болжмор

   Өхөөрдөм шувуу

   Хүүхэд бидний

   Хүндтэй шувуу

                                       Н Одонхүү

                                                                                Ээж

Ээжийг ирээгүй байхад

Эль хуль байдаг манайх

Эрт ирсэн ч аав маань

Энд тэнд зогсож холхидог

Унтаа ах муур шиг цагираглаж

Уйланхай эгч ном шагайж сууна

Гал тогоо чив чимээгүй

Гарсан орсонч дув дуугай

Усны дусал дуслах нь хүртэл

Уйтгарыг улам нэмэгдүүлдэг юм

Хөлийн чимээ өгсөх андашгүй

Хөөр баяр зэрэгцэх барагдашгүй

Цагираглаж хэвтсэн ах хэдийн

Цамцаа өмсөөд үүд рүү гүйнэ

Цаанаа л нэг эгч баяртай

Жингэнсэн ая амандаа аялна

Холхиж ядсан аав

Хойморт очоод тухалн...